Бархасбадь гаригийн тухай

Бархасбадь гариг нь манай нарны аймгийн хамгийн том, үүнийгээ хадгалахын тулд үргэлжид тэлж байдаг гариг юм. Астрологи буюу одон орон зурхайн судлалд Бархасбадь гариг оюун ухаан, ялалт, шудрага байдлыг бэлэгддэг. Мөн Бархасбадь гариг нь биднийг илүү өөдрөг үзэлтэй, азтай, өсөн томорч, тэлж байхад тун их нөлөөтэй. 

Бархасбадь гариг нь зурхайн 9-р орд буюу нумын ордонг удирдан захирдаг. 

Миний унших дуртай номонд уг гаригийн талаар ингэж бичжээ.

"...Үнэний нууцад нэвтрэх хүсэл нь Бархасбадийг амьдралд илүү философийн талаас хандахад хүргэдэг. агуу их мэдлэгт тэмүүлэх нь илүү ихийг сурах хандлагыг өдөөж өгдөг. Нэмж хэлэхэд "Үнэний хаан" Бархасбадь гариг нь шүүх, хууль, дэг журамтай илүү их холбогддог. Оюун санаа, сэтгэл хөдлөл, дотоод сэтгэлээ тэлэх гэж тэмүүлдэг тул сайн сайхан ирээдүй Бархасбадийг дагаж байдаг. Бархасбадь гариг нь алс хол, ер бусын газар луу аялж, туршлага хуримтлуулах эрмэлзлэлийг нэмэгдүүлдэг. Хэт их тэлэх гэсэн үзэл нь хувиа хичээгч, хуурамч өөдрөг үзэлтэн, үнэнч бус зан болоод өөрийгөө хэт магтах үзлийг бий болгож болно. Харин шилдэг нь байж чадвал, зорилгоо биелүүлж чадахуйц, ухаалаг, итгэл үнэмшил дүүрэн, хошин мэдрэмж өндөртэй, өгөөмөр бие хүн болж чаддаг."

Эерэг тал: Үнэнийг эрэлхийлэгч, өгөөмөр, шинийг санаачлагч, өөдрөг үзэлтэй, аялалд дуртай, өндөр түвшинд суралцдаг.
Сул тал: Хэт их дөвийлгөдөг, хуурамч өөдрөг үзэлтэй, хувиа хичээгч

Source: "Төрсөн өдрийн төөрөг зурхай" © Улаанбаатар хэвлэл.,2012